admin
Qiwa Transfer Status – Questions & Answers (Hindi Roman Me Explanation)
1. What is Pending Current Employer Approval in Qiwa?
Pending Current Employer Approval ka matlab hai ki aapka transfer request abhi aapke purane kafeel (current employer) ke paas hai. Uske paas 10 din ka time hota hai ki wo accept kare ya reject kare. Agar wo time par response nahi deta to system automatic reject kar sakta hai.
👉 Simple shabdon me: Jab tak purana kafeel approval nahi deta, transfer aage nahi badh sakta.
2. What is Pending Employee Approval in Qiwa?
Iska matlab hai ki transfer request employee ke samne pending hai. Employee ke paas bhi 10 din ka time hota hai ki wo accept kare ya reject kare. Agar employee response nahi deta to request expire ho jaati hai.
👉 Matlab: Employee ki approval ke bina transfer process complete nahi ho sakta.
3. What is Pending Completion of the Transfer Process at the Ministry of Interior in Qiwa?
Yeh status tab aata hai jab naya employer (new sponsor) ko Interior Ministry ke Absher ya Muqeem system me final transfer karna hota hai. Iske liye 10 din ka time hota hai. Agar naya kafeel action nahi leta to request expire ho jaati hai.
👉 Matlab: Ab action lena naye kafeel ki zimmedari hai.
4. What does Completed Status Mean in Qiwa?
Completed ka matlab hai ki aapka transfer successfully finish ho gaya hai. Ab aap officially naye employer ke under aa gaye ho.
👉 Matlab: Process khatam, transfer successful.
5. What is Rejected by Ministry of Interior in Qiwa?
Iska matlab hai ki Ministry of Interior ne transfer request accept nahi ki. Ye rejection kisi technical problem, system error ya legal reason ki wajah se ho sakta hai.
👉 Matlab: Aapka request government ne reject kar diya.
6. What is Pending Notice Period Completion in Qiwa?
Iska matlab hai ki employee ka notice period abhi chal raha hai aur uske khatam hone ka wait ho raha hai. Jab tak notice period complete nahi hota, transfer process complete nahi hota.
👉 Matlab: Pehle purana contract/notice khatam hoga, fir transfer hoga.
7. What is Expired (Decision Timeout) in Qiwa?
Is status ka matlab hai ki employee ne 10 din ke andar transfer request ka jawab (accept/reject) nahi diya. Is wajah se request expire ho gayi.
👉 Matlab: Time par action na lene ki wajah se request khatam ho gayi.
8. What is Rejected by Employee in Qiwa?
Iska matlab hai ki employee ne khud transfer request reject kar di.
👉 Matlab: Employee ko transfer manzoor nahi tha, isliye usne reject kar diya.
9. What is Rejected by Current Employer in Qiwa?
Is status ka matlab hai ki current employer (purana kafeel) ne transfer request reject kar di.
👉 Matlab: Purane kafeel ne aapko chhodne ki ijazat nahi di.
10. What is Canceled by New Employer in Qiwa?
Iska matlab hai ki naya employer (jiske paas aap transfer hona chahte the) ne request cancel kar di.
👉 Matlab: Naya kafeel interested nahi tha ya usne request wapas le li.
11. What is Expired (Transfer Not Completed) in Qiwa?
Is status ka matlab hai ki naya employer 14 din ke andar Absher ya Muqeem me transfer complete nahi kar saka.
👉 Matlab: Naye employer ki delay ki wajah se request expire ho gayi.
12. What is In Submission Status in Qiwa?
Yeh status tab hota hai jab system transfer request ko Ministry of Interior tak bhej raha hota hai. Agar submission successful ho jata hai to next step shuru hota hai, warna request reject ho jaata hai.
👉 Matlab: Abhi system backend me process kar raha hai.
13. What is Expired (Submission Failure) in Qiwa?
Iska matlab hai ki system Ministry of Interior ko request submit karne me fail ho gaya aur request expire ho gayi.
👉 Matlab: System ya submission error ki wajah se process complete nahi ho saka.
14. What is Canceled by Employee in Qiwa?
Is status ka matlab hai ki employee ne khud apna transfer request cancel kar diya.
👉 Matlab: Employee ne decide kiya ki abhi transfer nahi karna hai.
Most Asked Questions
1. What is ‘Pending notice period completion’?
Pending notice period completion ka matlab kya hai?
Iska matlab hai ki employee ko apni current company me notice period pura karna zaroori hai, uske baad hi transfer new company me ho paayega.
Ye option tab hota hai jab employee Saudi Arabia me 1 saal se zyada time se ho aur company ne Ministry of Contracts Authentication ka plan pura kiya ho.
Notice period kam karne ka option sirf current employer ke agreement par depend karta hai.
2. What is ‘Pending employee approval’ status?
Pending employee approval status ka kya matlab hai?
Iska matlab hai ki company owner ne transfer request bhej di hai, lekin employee ko apne Qiwa individual account se 10 din ke andar request approve karni hoti hai. Agar 10 din tak approve nahi kiya gaya to request automatically cancel ho jaayegi.
3. What is the expected time to complete the transfer?
Transfer complete hone me kitna time lagta hai?
Transfer complete hone ka time is baat par depend karta hai ki employee apne Qiwa individual account par transfer ko kitni jaldi accept karta hai. Jab tak employee accept nahi karega, transfer pending rahega.
4. Can I reduce the notice period if the current employer is not registered on Qiwa?
Kya notice period kam ho sakta hai agar current employer Qiwa par registered nahi hai?
Nahi, agar current employer Qiwa par registered nahi hai to notice period kam karna possible nahi hai. Sirf current employer hi apne Qiwa account ke through notice period ko reduce kar sakta hai.
thanks you so mutch